काठमाडौं। नेपाली लोक गीत ‘निरमाया’ सार्वजनिक गरिएको छ । अन्जु पन्त, रबिन गुरुङ र निश्चल गुरुङको स्वर रहेको यस गीत मंगलबार राजधानीमा एक कार्यक्रमका बिच सार्वजनिक गरियो । गीतमा शिव हमालको शब्द तथा संगीत रहेको छ । गीतको भिडियोमा नायक पुष्प खड्का, डान्सर कविता नेपाली तथा गायक तथा मोडल चक्र बमको अभिनय रहेको छ ।
कार्यक्रममा नायक पुष्पले भिडियोमा काम गर्दाको अनुभव सुनाउँदै भने, ‘मैले पछिल्लो समय म्युजीक भिडियो कम गर्न थालेको छु । यो गीतको टिम यति राम्रो छ, गीत उत्तिकै मिठो छ । यो गीत छाड्नै सकिन ।’ यस्तै गीतकी डान्सर कविता नेपालीले नयाँ टिमसँग का मगर्न पाउँदा खुसी लागेको बताइन । कविताले नायक पुष्पसँग पहिलो पटक स्क्रिन सेयर गरेकी हुन् । मौसम हिमालीले निर्देशन गरेको भिडियोलाइ अजय रेग्मीले छायाँकन र प्रबिन भट्टले सम्पादन गरेका छन् ।
