सेलेब्रिटी नेपाल असोज २९ पहिलो दक्षिण एसियाली यौनिक तथा लैङ्गिक अल्पसंख्यक खेलकूद महोत्सव अन्तर्गत आईतवार भएको तेश्रोलिङ्गी सौन्दर्य प्रतियोगितामा प्रतिस्पर्धी अन्य १४ जनालाई पछि पार्दै पूर्णिमागुरुङ ले ताज पहिरिएकी हुन् । उनले मिस पिंकको ताज सँगै १५ हजार रुपैयाँ नगद सहित सन् २०१३ मा थाइल्याण्डमा हुने विश्व तेश्रोलिङ्गी सौन्दर्य प्रतियोगितामा नेपालबाट प्रतिनिधित्व गर्न पाउने छिन् । पूर्णिमालाई नील हीरा समाजका कार्यकारी निर्देशक सुनिलवावु पन्तले मिस पिंकको ताज पहिर्याउनुभयो ।
तपाइँ यदि यो देशको प्रधानमन्त्री बन्नुभयो भने यो देशलाई समृद्ध बनाउन तीन वटा कुन कुन विषयलाई प्राथमिकता दिनुहुन्छ ? भन्ने प्रश्नमा मिस पिंकको ताज पहिरिने पूर्णिमा श्रेष्ठले पहिलो राजनीतिक अस्थिरता रोक्ने, दोश्रो कृषि, जलश्रोत, शिक्षा र पर्यटन क्षेत्रको विकास गर्ने र तेश्रो पछाडि परेको सिमान्तकृत लैङ्गिक समूदायलाई आरक्षणको व्यवस्था गर्ने प्रतिवद्धता जनाएकी थिईन् ।
फष्ट रनर अप प्राचिन गुरुङले भ्रष्टाचार मुक्त राष्ट्र बनाउने, लैङ्गिक भेदभाव मुक्त र पर्यटकिय राष्ट्र बनाउने र सेकेण्ड रनर अप सलिना शेर्पाले पहिचान सहितको नागरिकताका लागि पहल, समान अधिकारका कुरा र पछाडि परेका सबै नेपाली जनताको लागि राम्रो कार्य गर्ने प्रतिवद्धता जनाएकी थिईन् ।
यस्तै मिस पिंकको फष्ट रनरअप प्राचिन गुरुङले १० हजार रुपैयाँ र सेकेण्डरनरअप सलिना शेर्पाले ५ हजार रुपैयाँ नगद पुरस्कार प्राप्त गरे । यस्तै मेक अप आर्टिसको टाइटल अवार्ड सोफी र सुमन लामाले पाएका छन् भने कोरियोग्राफर तर्फको टाइटल अवार्ड राजेश लामाले प्राप्त गरे ।
पर्सानिलिटी टाइटल अवार्ड जुली चेपाङले पाएकी छिन । क्याटवाक तर्फ, क्रिष्टिना थापा मगर, मिस पिङ्क रेड रिवन सिमरन शेरचन मिस कन्जेटियन्स्टी सुनिता लामा र मिस व्यूटिफुलको अवार्ड पुनम थापा मगरले हात पारे । कार्यक्रममा फेसन शो तथा साँस्कृतिक कार्यक्रम समेत गरिएको थियो ।
