सेलेब्रिटी नेपाल २०६९ असोज २७ शनिबार हुने चलचित्र कलाकार संघको निर्वाचनका लागि सम्पूर्ण तयारी पूरा भएको छ । बिहान दश बजे देखि कमलादी स्थित प्रज्ञा प्रतिष्ठानमा सुरु हुने संघको विशेष साधारण सभा लगत्तै नयाँ नेतृत्वका लागि चुनाव हुनेछ ।
निर्वाचनमा १५ पदका लागि ३२ सदस्यको भिडन्त हुने छ । कोषाध्यक्ष र सह-कोषाध्यक्षमा आकाश खवास र निशा अधिकारी निर्विरोध चयन भईसकेका छन् । निर्वाचनका लागि ३ सय ८१ मत पत्र तयार पारिएको छ । अध्यक्षमा जित्न एक उम्मेदवारले १ सय ९१ न्यूनतम मत ल्याउन जरुरी छ । अध्यक्षका लागि नवल खड्का र सविन बाँस्तोलको उम्मेदवारी छ ।
