सेलिब्रेटी नेपाल काठमाडौँ
सामाजिक कथामा बनेको पारिवारिक चलचित्र ‘अनुग्रह’को ट्रेलर सार्वजनिक गरिएको छ। कात्तिक ३० गतेबाट सार्वजनिक प्रदर्शनमा आउने यस चलचित्र लाईको अंग्रेजी नाम ‘द ग्रेस’ राखिएको छ । कुमार केसीले निर्देशित चलचित्रमा तन्नेरी प्रेमकथा र परिवारको मायालाई समेटिएको छ । जोनिका सेन्चुरीको प्रस्तुतिमा सन्तोस खबासले निर्माण गरेको चलचित्रमा रोहन सेन्चुरी तथा भारतीय नायिका तथा मोडल आरती गुप्ता, सञ्जय न्यौपाने, राजन गिरी, दीपशिखा सिलवालको प्रमुख अभिनय रहेको छ । चलचित्रमा ज्ञानेद्र गिरि र ड्रोकास बिश्वा सह निर्माताको रुपमा रहेकाछन ।
विक्रम डीसीको छायांकन,तारा थापाको सम्पादन, नवीन सुब्बाको संगीत रहेको छ । लक्ष्मी वैंकटेस सिने मेकर्स र अनुग्रह फिल्मसको ब्यानरमा निर्माण भएको चलचित्रलाई नेपालको पुर्वाञ्चलको रमणीय स्थानहरुमा छायांकन गरिएको छ । चलचित्र लाइ सरोज शर्माले वितरण गर्दै छन् । युवा पुस्ता लक्षित चलचित्रमा बाल कलाकार क्रिस्टिना सेन्चुरीको समेत भूमिका छ ।