सेलिब्रेटी नेपाल काठमाडौँ
कि इन्टरटेन्टमेन्टको प्रस्तुतिमा कमेडी रियालिटी शो ‘मुन्द्रेको कमेडी क्लब’नेपाल टेलिभिजन मार्फत प्रशारणमा आउने भएको छ हाँस्य कलाकार जितु नेपालले संचालन गर्न लागेको उक्त शो छिट्टै नै प्रशारण सुरु हुने छ ।
यो कमेडी रियालिटी शोको २ भाग छायांकन आइतबार गरिएको छ । कार्यक्रम संचालक जितु नेपालका अनुसार, दर्शकले पहिलो भागमा हाँस्य कलाकार दिपकराज गिरी र दोश्रो भागमा केदार घिमिरे र करिश्मा मानन्धरलाई देख्न पाउनेछन् ।
यो रियालिटी शोको अध्यक्षमा निर्देशक दिपाश्री निरौला रहनेछिन् । साथमा, कलाकार राजाराम पौडेललाई पनि शोमा देख्न सकिनेछ । जितुले भने-‘हामी १ बर्ष त नियमित रुपमा कार्यक्रम अगाडि बढाउनेछौ । त्यसपछि, दर्शकले मन पराउनुभयो भने कार्यक्रम कति अगाडि बढ्छ भन्ने तय हुनेछ ।’
