सेलिब्रेटी नेपाल काठमाडौँ
चलचित्र ‘शुभलभ’ को अफिसियल घोषणा गरिएको छ राजधानीमा एक औपचारिक कार्यक्रमको आयोजना गर्दै चलचित्र बन्ने अफिसियल घोषणा गरिएको हो । यहि चलचित्रबाट युवा ज्योतिष रुपमा चिनिएका हरीहर अधिकारी नायक बन्ने भएका छन् । चलचित्रमा उनको जोडीको रुपमा कृष्टिन पौडेलले डेव्यु गर्दै छिन् ।
सन्तोष बाबु लोहनीले निर्देशन गर्ने चलचित्रमा चलचित्र संघका अध्यक्ष प्रदिप कुमार उदयको प्रस्तुती रहने छ । चलचित्रलाइ धर्मराज शर्मा सुवेदीले निर्माण गर्ने भएका हुन् । चलचित्रमा अर्जुन पोखरेलको संगीत, रोशन विक्रम भट्टराईको द्धन्द्ध, रामेश्वर कार्कीको छायाँकन हरीहर अधिकारीको कथा, अभिमन्यु निरवीको पटकथा तथा संवाद, रामजी लामिछानेको कोरियोग्राफी रहने छ ।
चलचित्र‘शुभलभ’मा हरीहर र कृष्टिनका अलवा सुर्या थापा, सरोज खनाल, राजाराम पौडेल, रविन्द्र झा, प्रदिप वास्तोला लगायतका कलाकारको अभिनय रहने छ । चलचित्रको काठमाडौं, पोखरा, अन्नपुर्ण बेस क्याम्प, इलाम लगायतका सुन्दर ठाउँमा छायांकन गरिने छ । चलचित्र लाइ आगामी चैत्र १५ गते बाट प्रदर्शनमा ल्याउने लक्ष्य रखिएको छ ।
