सेलीब्रेटी नेपाल माघ २८ गते-नवगायक प्रेम राईले आफ्नो पहिलो एकल एल्बम राजीनामा बजारमा ल्याएका छन्। नाट्य क्षेत्रमा समेत लागिरहेका राई अंग्रेजी साहित्यमा मास्टर गर्ने तयारी गरिरहेका छन्। पढ्नमा भन्दा बढी संगीतमा ध्यान दिने उनी अनुत्तीर्ण भने कहिल्यै हुनुपरेको छैन। उनै प्रेमको एल्बम शनिबार राजधानीमा एक कार्यक्रमको आयोजना गरी विमोचन गएको हो। नेपाली कांग्रेसका काठमाडौं जिल्ला कार्यसमिति सभापति तथा कार्यक्रमका प्रमुख अतिथि भीमसेनदास प्रधान, नेप्लिज फेसन होमकी अध्यक्ष हेमा मानन्धरलगायतले एल्बमको विमोचन गरेका थिए । राष्ट्रिय फोटो प्रकाशन समूहका उपाध्यक्ष हरिगोपाल प्रधानको सभाध्यक्षतामा सम्पन्न विमोचन कार्यक्रममा विमोचित एल्बममा राजीनामा, प्रकृतिले, के थिएँ, आँखा नसालु, आगो बाली र लाग्यो भने गरी कुल ६ गीत छन् । एल्बममा डी. आर, लक्ष्मीप्रसाद घिमिरे, अबुदय खनाल, सुरज थापा र नित्यनन्द शर्माको शब्द रहेको छ भने अर्जुन पोखरेल, मीन विष्ट, पुरुषोत्तम न्यौपाने र सुरज थापाको संगीत रहेको छ।
