सेलिब्रेटी नेपाल काठमाडौँ
गत चैत्रमै प्रदर्शनमा आउने भनिएको चलचित्र ‘हिरोज’ अब बैशाख २८ मा रिलिज हुने भएको छ । एक्शन, लभ, कमेडी तथा सम्वेदनाले भरिएकोे चलचित्र ‘हिरोज’ को निर्मात्री पुर्णिमा लामा हुन् । एन.वी. महर्जनको निर्देशनमा बनेको चलचित्रमा करिश्मा मानन्धर, जयकिसन बस्नेत, मुकेश ढकाल, पूर्णीमा लामा, संजोग राणा, दिलकृष्ण श्रेष्ठ लगायतका कलाकारले अभिनय गरेका छन् ।
जय लक्ष्मी फिल्मस्को ब्यानरमा बनेको चलचित्र राजनीति बिकृति, बेरोजगारी, चेलीबेटी बेचबिखच तथा सडक बालबालिकाको बिषयमा बनेको छ । लक्ष्मी लामाको प्रस्तुति रहेको चलचित्रको निर्मातामा शेखर लामा, युवराज लामा र संजोग राणा रहेका छन् । कमल राई, कविराज गहतराज र रामजी लामीछानेको कोरियोग्राफी रहेको चलचित्र शिब ढकाल र रामशरण उप्रेतीले खिचेका हुन् ।
