सेलिब्रेटी नेपाल काठमाडौँ
विश्वकै कान्छा निर्देशक सौगात विष्ट निर्देशित चलचित्र ‘हैरान’ को नयाँ गीत सार्वजनिक गरिएको छ । ‘तिम्रो हिरो’ बोलको गीतमाचलचित्रका कलाकारहरु गजित विष्ट, निश्मा घिमिरे, बुद्धि तामाङ, सागर लम्साल र पुस्कर रेग्मी फिचर्ड छन् । सार्वजनिक गीतमा संगीत र स्वर राजन इशानको रहेको छ । गीतलाई गम्भीर विष्टले लेखेका हुन् । कोरियोग्राफी पनि गम्भीरकै हो । गीतमा आफूलाई हिरो मान्ने पात्रको मनोभावलाइ देखाइएको छ ।
‘हैरान’ मा सरोज खनाल, सत्यराज आचार्य, गजित विष्ट, मोहमद वसिम राजा, सागर लम्साल, निश्मा घिमिरे, बुद्धि तामाङ, पुष्कर रेग्मी, एन्जल राई, आरोही शर्मा लगायतको अभिनय रहेको छ । डान्स फेभरको ब्यानरमा निर्मित चलचित्रमा मुक्ति घले, सृष्टि घिमिरे, डाक्टर वाई एल लामा निर्माता रहेका छन् भने सम्झना पोखरेल कार्यकारी निर्मात्री रहेकी छिन् । यो चलचित्र जेठ ४ गतेबाट प्रदर्शनमा आउँदैछ ।
