सेलिब्रेटी नेपाल काठमाडौँ
चलचित्र ‘बटरफ्लाई’को गीत सार्वजनिक गरिएको छ । प्रियंका कार्की र आर्यन अधिकारी फिचरिङ गीतमा सुरेश बज्राचार्यको छायाँकन उत्कृस्ट रहेको छ ।अर्जुन पोखरेलको शब्द/संगीतमा तयार भएको ‘म गाउदिन अब…’ बोलको गीतमा अन्जु पन्त र सुगम पोखरेलको स्वर समाबेश छ । गीतमा कोरियोग्राफी कविराज गहतराजले सम्हालेका छन् ।
ओम प्रतिक (गुरुङ)को लेखन तथा निर्देशन रहेको चलचित्रमा आर्यन र प्रियंकाको साथमा अर्पण थापा, रविन्द्र खड्का, सुस्मा कार्की लगायतका कलाकारको अभिनय रहेको छ । द फ्रेम क्रियसनको प्रस्तुति ‘बटरफ्लाई’ (कलर्स अफ लभ) मा पुष्पाञ्जली अधिकारी (सखा), रामशरण राना र भुपेन्द्र सुवेदी निर्माताको रुपमा रहेका छन् । सरोज शाह र मन्दील श्रेष्ठ सहनिर्माता रहेको चलचित्रका कार्यकारी निर्माता रमेश प्रजापति हुन् । चलचित्र पुष २८ गते प्रदर्शनमा आउने छ ।
