सेलिब्रेटी नेपाल काठमाडौँ
नेपाली चलचित्रको निर्माण क्रम बढे संगै सिक्वेल चलचित्र बनाउने क्रम पनि बढ्न थालेको छ । एउटा चलचित्र सफल भए पछि त्यसैको पछाडी २ थपेर चलचित्र निर्माणको क्रम बढी रहेको छ । यस्तैमा यस बर्षको सफल चलचित्र म यस्तो गीत गाउँछु को पनि सिक्वेल बन्ने भएको छ । निर्देशक सुदर्शन थापाको जन्म दिनको अवसर परेर सिक्वेल बन्ने घोसणा गरिएको छ । बर्षमा १ मात्र चलचित्रमा काम गर्दै आएका निर्देशक सुदर्शन थापाले २०७५ सालमा प्रदर्शनमा आउने गरि दुइ चलचित्र निर्माण गर्ने तयारी थालेका छन् ।
म यस्तो गीत गाउँछुको सिक्वेल संगै अर्को अन टाइटल प्रोजेक्ट पनि सुदर्शनले निर्माण गर्ने सार्बजनिक गरे उनले निर्देशन गर्ने दुवै चलचित्रमा नायक पल शाह र नायिका पुजा शर्माको मुख्य भूमिका रहने छ । साथमा सलोन बस्नेत पनि अनुबन्धित भइ सकेका छन् । चलचित्रको अन्य टिमको बारेमा फेरी अर्को कार्यक्रमा गरेर जानकारी गराइने निर्देशक सुदर्शनले बताए । थापाको जन्म दिनको केक काट्ने कार्यक्रममा नायिका पुजा शर्मा,नायक पल शाह,सलोन बस्नेत शोभित बस्नेत तथा संचारकर्मी हरुको उपस्थिति रहेको थियो ।
