सेलिब्रेटी नेपाल काठमाडौँ
साउन १३ गतेबाट प्रदर्शनमा आएको वर्षको सफल चलचित्र ‘प्रेमगीत २’ ले बाढीबाट प्रभावित भएका सर्लाहीका जनताका लागि राहत नगद रकम सँगै खाद्यान्न सामग्री वितरण गरेको छ । चलचित्रका नायक प्रदीप खड्का, नायिका अश्लेषा ठकुरी र निर्माता सन्तोष सेनले संयूक्त रुपमा बिहीवार सर्लाहीको रामपुर युनाईटेड युवा क्लबलाई नगद ४ लाख र ४ लाख बराबरको खाद्य सामग्री हस्तान्तरण गर्यो ।
निर्माता सन्तोष सेनले आवश्यक अध्ययन र अनुसन्धान गरि सर्लाही जिल्लाका बाढीबाट अति प्रभावित गाउँका जनताहरुलाई राहत सामाग्री र आर्थिक सहयोग गरेको बताए । शन्तोषले भने, ‘ शुक्रवार सर्लाहीको मानपुर गाउँमा हामी आफैँ गएर राहत वितरण गर्दैछौं क्लबमार्फत हामीले नगद ४ लाख र खाद्यन्न ४ गरि ८ लाख बराबरको सहयोग हस्तान्तरण गर्यौं अब शनिबार केहि गाउँमा पुगेर सहयोग गरेर हामि काठमाडौँ फर्कने छौं ।’
