सेलिब्रेटी नेपाल काठमाडौँ
चलचित्र ‘फाटेको जुत्ता’को पहिलो गीत सार्वजनिक गरिएको छ । युट्युबमा सार्वजनिक ‘आई एम सरी…’ बोलको गीतमा सौगात मल्ल, प्रियंका कार्की र कामेश्वर चौरसिया फिचरिङ छन् । गीतमा प्रवेश मल्लिकको स्वर, शब्द र संगीत छ । निरज कँडेलले खिचेको गीतमा राजीव समरको कोरियोग्राफी रहेको छ । अर्जुन कुमार फिल्मसको व्यानरमा निर्मित ‘फाटेको जुत्ता’लाई अर्जुन कुमारले निर्माण गरेका हुन् । कमेडी जनराको यस चलचित्र लाइ निकेश खड्काले निर्देशन गरेका हुन् ।
चलचित्रमा प्रियंका र सौगातका अलावा वुद्धि तामाङ, रविन्द्र झा, अनोज पाण्डे लगायतका कलाकारको अभिनय रहेको छ । चलचित्रमा अष्ट महर्जनको एक्सन, दिर्घ खड्काको सम्पादन र निरोज महर्जनको लेखन छ । चलचित्र कार्तिक १७ गते बाट सार्बजनिक प्रदर्शनमा आउने छ ।
