सेलिब्रेटी नेपाल काठमाडौँ
‘ड्रिम्स’बाट चलचित्र अभिनयमा भित्रिएकी हुन् अभिनेत्री साम्राज्ञीराज्य लक्ष्मी शाह । पहिलो चलचित्रबाटै मनग्य चर्चा कमाउन सफल उनी अनमोल केसीसँग रोमान्स गर्दै डेब्यू गरेकी हुन् । उनले ड्रिम्स अभिनयबाट अनमोलको भन्दा बढी चर्चा बटुल्न सफल रहिन् ।
सायद त्यसैले पनि होला ‘ड्रिम’ पछि उनको हातमा केही राम्रा ब्यानरको चलचित्र पर्यो । ती मध्यको एक ‘ए मेरो हजुर २’ पनि हो । सुनीलकुमार थापाले निर्माण गरेको यो चलचित्र १६ भदौबाट प्रदर्शनमा आउँदैछ । उनी अहिले यहि चलचित्रको कारणले चर्चामा छिन् ।
एस.के.थापा प्रोडक्शनको ब्यानरमा निर्माण भएको यो ‘ए मेरो हजुर २’ सफल अभिनेत्री झरना थापाले निर्देशन गरेकी हुन् । झरनाको यो निर्देशनमा डेब्यू गरिएको चलचित्र हो । चलचित्रको प्रचारका लागि आयोजना गरिएको कार्यक्रममा झरनाले निर्देशक भन्दा अभिनयनै सजिलो बताउदै आएकी छिन् ।
मुस्ताङ, तिलिचो ताल लगायतका रमणिय स्थानमा छायांकन भएको चलचित्रमा साम्राज्ञी बोल्ड अवतार देखिदै छिन् । बोल्ड अवतारको केही झलक प्रचारका लागि सार्वजनिक गरिएको ट्रेलर र गीतमा समेत देख्न पाइन्छ ।
चलचित्रमा साम्राज्ञीको नव–अभिनेता सलिनमान बाँनियासँग रोमान्स रहेको छ । सलिनमानसँग पनि साम्राज्ञीको जोडी परफेट देखिएको छ । ‘सलिनमान र आफ्नो रोमान्सले दर्शकलाई बाध्ने काम गर्नेछ’ साम्राज्ञीले केही दिन अगाडि आयोजित ट्रेलर लन्च कार्यक्रममा भनेकी थिइन् ।
‘ए मेरो हजुर २’ नाम राखिए पनि यो चलचित्र अघिल्लो चलचित्र ‘ए मेरो हजुर’को सिक्वेल नभएको निर्माण पक्षले स्पष्ट पार्दै आएको छ । सांगीतिक लभ स्टोरीमा निर्माण भएको चलचित्र प्रचारमा अहिले निर्देशक झरना सहित चलचित्रका शीर्ष कलाकारसमेत जुटिरहेका छन् ।
रातो पाटि डट कम बाट जस्ताको तेस्तै
