सेलिब्रेटी नेपाल काठमाडौँ
अभिनेता जयकिशन बस्नेतको लेखन, नृत्य निर्देशन, निर्माण र निर्देशनमा बनेको नेपाली चलचित्र ‘धुम २’को ट्रेलर सार्वजनिक भएको छ । सोमबार राजधानीमा आयोजित एक कार्यक्रममा ट्रेलर सार्वजनिक गरियो ।
कार्यक्रममा चलचित्रका मुख्य कलाकारसमेत रहेका जयकिशनले चलचित्र पूर्ण रुपमा कमेडी शैलीमा बनेको बताए । ‘हामीले चलचित्रको नारा नै मनोरञ्जनको शत प्रतिशत ग्यारेन्टी राखेका छौं । त्यसकारण पनि चलचित्र दर्शकका लागि रुचीकर हुनेछ उनले भने ।’
ट्रेन्डी फिल्मस्को व्यानरमा जाहन्वी बस्नेत र ब्रबिम बस्नेत प्रस्तुतकर्ता रहेको चलचित्रमा जयकिशन बस्नेत, सिर्जना भट्टराई, रोहित रुम्बा, महिमा सिलवाल, सञ्जोग राणा, शोभित बस्नेत, उत्तम केसी, बसन्त तामाङ,राम गौतम लगायतका कलाकारको अभिनय रहेको छ ।
तीज पर्वलाई लक्षित गर्दै भदौ ८ गतेबाट सार्वजनिक प्रदर्शनमा आउने चलचित्रमा एनबी महर्जनको द्वन्द्व, टंक बुढाथोकीको संगीत, जीवन श्रेष्ठको छायांकन, तारा थापा ‘किम्भे’को सम्पादन रहेको छ । आज आयोजना गरिएको कार्यक्रममा चलचित्रको ट्रेलर सार्बजनिक संगै दुइ वटा गीत पनि देखाईएको थियो ।
