सेलिब्रेटी नेपाल काठमाडौँ
चलचित्र ‘लिला’को ‘साचै बिषेश छौ ’बोलको गीत सार्वजनिक भएको छ । बलिउडमा समेत सफल गायक उदित नाराय झाको स्वर रहेको गीतमा शब्द डा.कृष्णहरी बराल र संगीत बसन्त सापकोटाको रहेको छ । गीतमा अभिनेत्री मलिना जोशी र राज कटुवालको अभिनय रहेको छ । रोमान्टिक शैलीको गीतमा मलिना र राजले पनि रोमान्टीक अभिनय गरेका छन् । गीतमा राजले मलिनाको सौदर्यताको बयान गर्दै आफ्नो लागि उनी बिषेश भएको चर्चा गरेका छन् । गीतको आकर्षक लोकेसनमा छायाँकन गरिएको छ ।
सिनेदर्पण इन्टरटेमेन्टको ब्यानरमा कृष्ण प्रसाद दंगाल प्रस्तुतकर्ता रहेको चलचित्र ‘लिला’ अनुभवी तथा टेक्निकल्ली निर्देशक रमेश कोइरालाले निर्देशन गरेका हुन् । कलाकार तथा हिट चलचित्र ‘सिलसिला’का निर्माता सिपी पौडेल चलचित्रका कार्यकारी निर्माता हुन् । लक्ष्मण बस्नेत, विमला घिमिरे (दंगाल) निर्माता रहेको चलचित्रको लेखन निर्माता लक्ष्मण बस्नेतले नै गरेका हुन् ।
चलचित्रमा मलिना जोशी, राज कटुवाल, संचिता लुइटेल,धुर्ब कोइराला, निस्तोज निरौला, देवीराम पराजुली,पंकज नेपाल, स्वानीका बास्तोला, जेएन घिमिरे, यादव बैरागी र बालकलाकार प्रियंसु सिंह क्षेत्री लगायतको अभिनय रहेको छ । चलचित्र ३० भदौमा रिलिज हुँदैछ ।
