सेलिब्रेटी नेपाल काठमाडौँ
बरिस्ट कलाकार हरिबंश आचार्यका छोरा मोहितवंश बैबाहिक जीवनमा प्रवेश गरेका छन् । पर्यटन विषयमा मास्टर्स सकाएर ब्रिक्स क्याफे चलाएर बसेका मोहित र नेपाल मेडिकल कलेजमा डेन्टल सर्जरीमा ब्याचलर गरिरहेकी बिन्दु थापाको भब्य रुपमा बिबाह सम्पन्न भएको छ । सञ्चार उद्यमी भोला थापा र हरिबंश सम्धी बनेका छन् ।
पत्नी रमिला, जोडी मदनकृष्ण श्रेष्ठलगायतका कलाकार र आफन्तसहित हरिवंश छोरा मोहित लिएर बिन्दु थापा लिन विवाहस्थल धुलिखेल पुगेका थिए । अमेरिकामा नै घरजम गरेर बसेका आचार्यका जेठा छोरा त्रिलोक बिदामा नेपाल आएपछि मात्रै मोहितको विवाह गर्ने दुई परिवारको सल्लाहअनुरूप इन्गेजमेन्ट भएको ९ महिनापछि विवाह सम्पन्न भएको हो ।
