सेलिब्रेटी नेपाल एजेन्सीको सहयोगमा
आजकल हलिउडमा मात्र होइन बलिउडमा पनि सफल फिल्म को सिक्वेल बन्ने लहर नै चलेको छ यसै क्रममा सलमान खानको हिट चलचित्र ‘किक’को सिक्वेल बन्ने भएको छ । ‘किक–२’ नाम दिइएको यो चलचित्र सन् २०१९ को क्रिसमसमा सार्बजनिक प्रदर्शनमा ल्याउने लक्ष्य सहित निर्माण युनिट फिल्म निर्माणमा जुटेको छ ।
निर्देशक साजिद नाडियावाला निकै अघिदेखि यो चलचित्रको स्क्रिप्टमा काम गरिरहेका छन् । आगामी महिनादेखि सलमानले पनि यो चलचित्रमा काम गर्न सुरु गर्ने छन् । साजिदको यो फिल्म उनको पहिलो फिल्म ‘किक’ जस्तै एक्सन, ड्रामा र रोमान्सले भरिएको हुनेछ ।
साजिदको निर्देशनमा बनेको चलचित्र ‘किक’ सन् २०१४ मा रिलिज भएको थियो । यो चलत्रिको सम्पूर्ण कथा, चरित्र देवीलाल सिंह उर्फ डेविलको जिन्दगीसँग जोडिएको थियो । यसको आगामी सिक्वेलमा पनि साजिदले देवीलाललाई ध्यानमा राखेर उनैको कथालाई अघि बढाएका छन् ।
