काठमाडौँमा कुमार सानु लाइभ कन्सर्ट हुँदै


सेलिब्रेटी नेपाल काठमाडौँ
बलिउड चलचित्रका चर्चित पाश्र्व गायक कुमार सानु लाइ काठमाडौँमा लाइभ कन्सर्टमा भेट्न पाइने भएको छ । असार ३१ गते आयोजना हुन लागेको ‘कुमार सानु लाइभ इन कन्सर्ट’मा उनले आफ्ना चर्चित गीतहरुको साथमा नेपाली दर्शकलाई मनोरञ्जन दिने छन । नायिका श्वेता खड्काको ‘श्वेता श्री फाउन्डेशन’को सहयोगार्थ यो कार्यक्रम हुने आयोजकले बताएको छ । राजधानीमा पत्रकार सम्मेलनको आयोजना गर्दै आयोजकले कार्यक्रमको बारेमा जानकारी गराएको हो ।

मुभेज इन्टरनेशनलको आयोजनामा होटल याक एन्ड यतीमा आयोजना हुन लागेको कार्यक्रममा कुमार सानुले आफ्नो ब्याण्डका साथ लाइभ प्रस्तुती दिनेछन् । कार्यक्रममा सानुले आफ्ना चर्चित नेपाली र हिन्दी गीत गाउनेछन् । उक्त कार्यक्रममा गायक रामकृष्ण ढकाल, सुगम पोखरेल, देविका बन्दना, स्मिता घिमिरेले पनि आफ्ना चर्चित गीत गाउनेछन् । दर्शकले नायिका नीशा अधिकारीको नृत्य, हाँस्य कलाकार जीतु नेपालको कमेडीको माध्यमबाट मनोरञ्जन लिन सक्नेछन् ।