सेलिब्रेटी नेपाल काठमाडौँ
प्रेम सुब्बाको निर्देशनमा तयार भएको चलचित्र ‘तारेभीर’ प्रदर्शनको लागी तयार भएको छ । चलचित्र तयार भएसँगै निर्माण टिमले प्रचार प्रसार समेत सुरु गरेको छ । सोमबार बिहान राजधानीमा आयोजित एक कार्यक्रमका बीच फिल्मको ट्रेलर तथा गीत रिलिज गरियो । सामाजिक कथा बोल्ने चलचित्रको सार्वजनिक ट्रेलरमा कहिँ कतै राष्ट्रियताको कुरा पनि जोडिएको छ । ट्रेलरमा एक्सनप्रधान दृश्यहरु बढी प्राथमिकतामा छन् ।
चलचित्रको कथा पनि निर्देशक सुब्बाको नै हो भने लगानी डिके देवानले गरेका छन् । युवराज राईले खिचेको चलचित्रमा प्रकाश गुरुङ, सनुप पौडेल र बर्विम शर्माको संगीत रहेको छ । चलचित्रमा नविन कार्की, विष्णु चेम्जोङ, रेखा फागो, प्रेम सुब्बा, कृष्ण देवान, दिपेश श्रेष्ठ, मञ्जु श्रेष्ठ लगायत अभिनयमा छन् । गायिकाको रुपमा चिनिएकी बिष्णु चेम्जोङ्ग यसै चलचित्र बाट नायिका पनि बनेकी छिन् । गोविन्द राई र दिनेश माङ्वुले कोरियोग्राफी गरेको चलचित्रमा द्वन्द्व जनक गुरुङको रहेको छ । पटकथा र संवाद लेखनमा निर्देशक सुब्बालाई कृष्ण आचार्यले सघाएका छन् । चलचित्र तारेभिर लाइ असार २ गते बाट दर्शक हरुले हेर्न पाउने छन् ।
