सेलिब्रेटी नेपाल काठमाडौँ
चलचित्र ‘डाक्टर…खाते’ अब दर्शकमाझ आउने भएको छ । आधा दर्जन अन्तराष्ट्रिय चलचित्र महोत्सबमा प्रदर्शनी भएको यो चलचित्र विभिन्न बाह्य मुलुकपछि नेपालमा प्रदर्शन हुन लागेको हो । यो चलचित्र ६ साउनबाट देशव्यापी प्रदर्शनमा आउने भएको छ । यसलाई काठमाडौंमा गोबिन्द शाही र मोफसलमा एफडी कम्पनीले बितरण गर्ने डाक्टर…खातेकी निर्माता रोशनी केसीले बताईन् ।
यसैगरी यो चलचित्रमा शिल्पा पोखरेल, रोशनी केसी, सम्राट सापकोटा, बिजय देउजा, प्रिन्स रिजाल, सूर्य गुरुङ, अमृत नेपाली लगायतको अभिनय रहेको छ ।
सडकका बालबालिकालाई पनि उचित संरक्षण र शिक्षा दिन सक्यो भने उनीहरु डक्टर लगायत विभिन्न सफल पेशामा आउन सक्छन भन्ने सन्देश यो चलचित्रले दिनेछ । जगदिश्वर थापाले लेखेको चलचित्रलाई रबीराज अर्यालले निर्देशन गरेका हुन् । जसमा दिव्यराज सुबेदीको छायाँकन, योगेश्वर अमात्यको गायन, सचिन सिंहको संगीत, तारा थापा किम्भेको सम्पादन र डब्बु क्षत्रीको ‘कास्टिङ’ रहेको छ ।
