सेलिब्रेटी नेपाल काठमाडौँ
नेपाली चलचित्र ‘जालो’ को ट्रेलर र पोस्टर सार्वजनिक गरिएको छ । पोस्टरमा रेमन्डदास श्रेष्ठ, मेनुका प्रधान, नीर शाह, निराजन प्रधान र मुना गौचन छन् । विश्व चलचित्र बजारमा नयाँ किर्तीमान बनाउने उद्देश्यले विश्वकै लामो वन–सर्ट मुभीको रुपमा ‘जालो’ निर्माण गरिएको हो ।
अहिलेसम्म विश्वकै लामो वन–सर्ट मुभीको रेकर्ड भारतको नाममा छ । जालो गिनिज बुकमा नाम लेखाउने उद्धेश्यले मात्रै निर्माण नभएको चलचित्र ‘जालो’ का निर्देशक अराजकेशव गिरीले बताए ।
वन–सर्ट मुभी ‘जालो’ एकै सर्टमा खिचिएको चार घण्टा लामो चलचित्र हो । एकै टेकमै खिचेर दुई वटा चलचित्र बनाइएको हो । ‘जालो’ जेठ १९ गते प्रदर्शनमा आउँदा ‘जालो रिटन्र्स’ भने अर्को वर्ष प्रदर्शनमा आउने छ ।
