सेलिब्रेटी नेपाल काठमाडौँ
एक दशक अघिदेखि नै संगीतको विद्यार्थीका रूपमा सांगीतिक क्षेत्रमा सक्रिय रहेका गायक तथा कलाकार राजकुमार देवकोटाले नयाँ वर्षको अवसर पारेर सांगीतिक कोसेली दर्शक तथा स्रोतामाझ ल्याएका छन् । करिब ढेड वर्षअघि पहिलो एकल एल्बम ‘अंकुरण’ सार्वजनिक गरेर स्रोतामाझ स्थापित भएका गायक तथा कलाकार राजकुमार देवकोटाले आफ्नो नयाँ गीत ‘टोल टोलमा…’ को म्युजिक भिडियो सार्वजनिक गरेका हुन् ।
सार्बजनिक भिडियोलाई निर्देशक शेरबहादुर डीसीले निर्देशन गरेका छन् । आधुनिक शैलीको उक्त गीतमा संगीतकार सन्तोष श्रेष्ठको संगीत निर्देशन रहेको छ । सुगम संगीतमा आधारित उक्त गीतका शब्दहरू दिनेश सुवेदीले रचना गरेका हुन् । म्युजिक भिडियोमा बिनोद श्रेष्ठ, आरुषी मगर, कृष्ण, वसन्त, मनोज, सन्तोष र श्रीमन्ले अभिनय गरेका छन् ।
