सेलिब्रेटी नेपाल काठमाडौँ
नेपाली कथानक चलचित्र ‘फाटेको जुत्ता’ कात्तिक १७ गते रिलिज हुने भएको छ । भदौ २३ गते लगाउने तयारी गरिए पनि भदौमा धेरै चलचित्र भएकाले कात्तिक १७ गतेका लागि ‘रिलिज डेट’ सारिएको निर्माता अर्जुन कुमारले जानकारी दिए ।
‘चपली हाइट’ का निर्माता अर्जुनकुमारको नयाँ चलचित्र ‘फाटेको जुत्ता’ जेठ ७ गतेबाट फ्लोरमा जाने भएको छ । यसअघि वैशाख १५ गतेबाट छायांकन सुरु गर्ने भनिए पनि निर्वाचनका कारण सुटिङ डेट परिवर्तन गरिएको अर्जुन कुमारले बताए ।
चलचित्रमा मुख्य कलाकार सौगात मल्ल र प्रियंका कार्की हुनेछन् । कामेश्वर चौरासिया, रविन्द्र झा, बुद्धि तामाङ, आमिर गौतम, सन्दिप क्षेत्रीलगायतका कलाकारले अभिनय गर्नेछन् ।
निरज महर्जनको कथा रहेको चलचित्र ‘फाटेको जुत्ता’ लाई निकेश खड्काले निर्देशन गर्नेछन् । चलचित्र निर्माणका लागि अनुमानित बजेट डेढ करोड रहेको अजुर्नकुमारले बताए ।
