सेलिब्रेटी नेपाल काठमाडौँ
अगामी चैत्र ११ लाई प्रदर्शन मिति तय गरेको चलचित्र ’निर्भय’को प्रेमभावको गीत रिलिज गरिएको छ । रोजी लाबुङ राईको शब्द समावेश गीतमा स्वर ताराप्रकाश लिम्बु र रजिना रिमालको छ । सुन्दर लोकेशनमा खिचिएको गीतमा संगीत पनि ताराप्रकाशले नै भरेका छन् । रामजी लामिछाने कोरियोग्राफर हुन् ।
रिलिज आउन एक महिना मात्र रहँदा बुधबार चलचित्रमा समावेश ’मेरो हर सासमा’ बोलको गीत निर्माण टिमले बाहिर ल्याएको हो ।
मधुसुदन भट्टराईको निर्देशन रहेको चलचित्रका निर्माता देविप्रसाद पाण्डे हुन् । ’निर्भय’मा निखिल र नीतासँगै विकास चापागाईं, सुशिल पोखरेल, प्रज्वल गिरी, प्रदिप ढकाल, रश्मी भट्ट लगायत अभिनयमा छन् ।
