सेलिब्रेटी नेपाल काठमाडौँ
एकाध बाहेक धेरैजसो चलचित्रले राम्रो बजार पाउन नसकिरहेका बेला पछिल्लो समय नेपाली चलचित्र क्षेत्रमा भने चलचित्र बन्ने क्रम रोकिएको छैन । यो नेपाली चलचित्र क्षेत्रको लागि आफैमा सकारात्मक कुरा हो ।
यसैक्रममा चलचित्र निर्देशक सबिर श्रेष्ठले नायिका रेखा थापा र नायक आर्यन अधिकारीलाई लिएर चलचित्र ‘कसो कसो माया बस्यो’ निर्माण तथा निर्देशन गर्ने भएका छन् ।
लभ स्टोरीलाई मुख्य विषयबस्तु बनाईएको चलचित्रमा रेखा र आर्यनको मुख्य भूमिका रहने निर्देशक श्रष्ठले जानकारी दिएका छन्् । फिल्मको छायाँकन भने आउँदो बैशाखदेखि सुरु हुने निर्देशक तथा निर्माता श्रेष्ठले बताए ।
यसअघि पनि सविरले धितालसँग मिलेर चलचित्र ‘तथास्तु’ बनाएका थिए । जसमा रेखा नै शिर्ष भूमिकामा थिइन् । यतिबेला चलचित्रको प्रि प्रोडक्सनको कार्य चलिरहेको छ ।
काईट्स् ईन्टटेन्मेण्टको ब्यानरमा रामहरी धितालसँगको सहकार्यमा सविरले ‘कसो कसो माया बस्यो’ निर्माण तथा निर्देशन गर्न लागेका हुन् ।
