दिपेन्द्र के खनाल पहिलो पटक लभ स्टोरीमा लभ लभ लभ घोसणा

सेलीब्रेटी नेपाल काठमाडौँ

पछिल्लो समय लगालग सफल चलचित्र दिन सफल निर्देशक दिपेन्द्र के खनालले पहिलो पटक लभ स्टोरी कथामा चलचित्र‘लभ लभ लभ’ निर्देशन गर्ने भएका छन् । पशुपति प्रसाद जस्तो सफल चलचित्रका निर्देशक दिपेन्द्र के.खनालले जहिले पनि फरक फरक कथामा चलचित्र बनाउन रुचाउने व्यक्ति हुन्। काठमाडौँमा पत्रकार सम्मेलन गरेर उक्त चलचित्र निर्माण गर्ने औपचारिक घोषणा गरिएको हो । दिपेन्द्रकै लेखन रहने चलचित्रमा स्वस्तिमा खड्का र सुरज पाण्डे मुख्य भूमिकामा रहनेछन् ।अमृत पाण्डेको प्रस्तुति रहने सो चलचित्रकी निर्मात्री शर्मिला पाण्डे हुन् । चलचित्रमा स्वस्तिामा र सुरजसँगै देशभक्त खनाल, लक्ष्मी भुषाल, रमेश बुढाथोकी, रुपा राणालगायतका कलाकारको अभिनय रहने छ । यही भदौको ९ गतेबाट चलचित्रको छायाँकन सुरु हुने निर्माण पक्षले जानकारी दिएको छ ।