सेलीब्रेटी नेपाल काठमाडौँ
होस्टल रिटर्न बाट नेपाली रजतपटमा प्रवेश गरेर सफल कलाकार बनेका नाजिर हुसेन र चलचित्र ड्रिम्स बाट सफलता पाएकी नायिका साम्राज्ञीराज्य लक्ष्मी शाहको जोडी भादिने भएको छ उनीहरुको जोडी बाध्ने काम नायिका तथा निर्देशक झरना थापाले गरेकी हुन् । यो जोडी रियल लाइफमा नभई एक दशक अघिको चलचित्र ए मेरो हजुरको सिक्वेल चलचित्र ए मेरो हजुर २ मा हो ।
नायिका झरना थापाको पहिलो निर्देशनमा बन्न लागेको चलचित्र ‘ए मेरो हजुर २’मा उनि हरु संगै काम गर्ने भएका हुन् । उक्त चलचित्रका लागि नाजिर केहि समय पहिले नै आवद्ध भैसकेका थिए भने साम्राज्ञीराज्यलाई आज फाईनल गरिएको हो । चलचित्रका निर्माता सुनिल थापाका अनुसार साम्राज्ञीलाई नायिका बनाउने भएपछि उनीसँग आजै मात्र संझौता गरिएको छ । साउन २० गतेबाट छायांकनमा जाने यस चलचित्रमा नाजिर र साम्राज्ञीसँगै हाँस्य कलाकार वुद्धी तामाङपनि फाईनल भएका छन् । सफल चलचित्रको सिक्वेलमा यो जोडी कत्तिको जम्ला त्यो त पछी नै थाहा हुनेछ ।
