शाहरुख खानलाई मुम्बइ प्रशासनको आदेश

(सेलिब्रेटि नेपाल) मुम्बई
हर्ष उल्लासका साथ हिजो सोमबार मात्र नेपालबाट बिदा भएका बलिउडका ‘बाद्षा’ उपनामले चिनिने नायक शाहरुख खानलाई झट्का लागेको छ । मुम्बई सरकारले उनि भारत पुग्ने बितिकै झट्का दिएको छ ।

खानलाई मुम्बइ प्रशासनले घर अगाडी अनावश्यक पार्किङ बनाएर भत्काउन बाध्य पारेको भन्दै त्यसमा लागेको खर्च तिर्न आदेश दिएको छ । भारतीय सञ्चार माध्यम अनुसार मुम्बई महानगरपालिकाको स्थानीय ऐन अनुसार शाहरुखले २ लाख भारु अर्थात ३ लाख ३२ हजार रुपैयाँ तिर्नु पर्नेछ ।
केही समय अघि मात्र शाहरुख खानको घर अगाडी डोजर हालिएको थियो । त्यहाँ रहेको पार्किङ र्‍याम्प हटाइएपछि प्रशासनले त्यसको खर्च समेत असुल्न लागेको हो ।