पुनर्जन्म भीमदत्त र झिग्राना संग भिड्दै

(सेलिब्रेटी नेपाल) काठमाडौँ
नेपाली चलचित्रले सोलो रिलिज मिति पाउनु भनेको दुर्लभ भइसकेको छ तर दुइ चलचित्र मात्र चल्दा पनि निर्माताले राहत महसुस गर्न सक्ने थिए तर आज तिन चलचित्र एक आपसमा भिड्दै छन् सत्यकथामा आधारित भनिएको चलचित्र ‘पुनर्जन्म’ संग ऐतिहासिक कथामा बनेको चलचित्र ‘भीमदत्त’ र सस्पेन्स तथा थ्रिलर श्रेणीको चलचित्र ‘झिग्राना’ भिड्दै छन् ।

एमके इन्टरटेन्मेन्टको ब्यानरमा बनेको चलचित्र पुनर्जन्ममा आर्यन सिग्देल, गजित बिष्ट, केकी अधिकारी, सुस्मिता शाही, विजय लामा, मिथिला शर्मा, लक्ष्मी गिरी, रश्मी भट्ट लगायतका कलाकारको अभिनय रहेको छ । चलचित्रमा मोहनकृष्ण श्रेष्ठ र भद्र बहादुर शाहीले लगानी गरेका छन् । चलचित्रमा बसन्तसँगै जयन्त शर्माको संगीत, कविराज गहतराजको नृत्य, अष्ट महर्जनको द्वन्द्व, मिलन अमात्य, अन्जु पन्त, जितु श्रेष्ठको स्वर, शिव ढकाल र नवराज कृष्ण थापाको छायांकन छ । चलचित्रलाई सजन श्रेष्ठले निर्देशन तथा सम्पादन गरेका हुन् ।

सस्पेन्स तथा थ्रिलर कथा बोकेको चलचित्र ‘झिग्राना’ मा एक गैह्रसरकारी संस्थाका कर्मचारीहरुको समूहले नेपालको दुर्गम भागमा काम गर्ने क्रममा भोग्ने रहस्यमय घटनाहरुलाई पर्दामा उतारिएको छ । झिग्रानामा हना गेस्चिव्स्की, निकुन श्रेष्ठ, मेनुका प्रधान, ज्योती कार्की, शान्ती गिरी, दिवाकर पिया, बिना पाण्डे, अरुण रेग्मीको मुख्य भूमिका छ । चलचित्रमा शैलेन्द्र डी. कार्कीको छायांकन, निमेश श्रेष्ठको सम्पादन, इमान विक्रम शाहको संगीत तथा पाश्र्वगायन छ । चलचित्रको लेखन तथा निर्देशक पासाङ लामाले गरेका हुन् ।

हिमग्याप लामा ‘टाँसी’ले निर्देशन गरेको चलचित्र ‘भिमदत्त’ राणा कालमा कृषि क्रान्ती र प्रजातन्त्रको पक्षमा आवाज उठाएर शहादत प्राप्त गरेका भिमदत्त पन्तको जीवनकथामा आधारित रहेको छ चलचित्रमा निर्माता नवल खड्का भिमदत्तको भूमिकामा प्रस्तुत भएका छन् ।