(सेलिब्रेटी नेपाल) काठमाडौँ
सय भन्दा बढी चलचित्रको पटकथा तथा सम्बाद लेखि सकेका अहिलेका व्यस्त स्क्रिप्ट राईटर अब निर्देशक पनि बन्ने भएका छन् । दर्जनौं सफल चलचित्र
लेखि सकेका शिवम् अधिकारी अब निर्देशनमा सक्रिय हुने भएका छन् । केहि समय पहिले देखि नै आफ्नो निर्देशन गर्ने योजना रहेको सुनाउने शिवम्को पहिलो चलचित्रको नाम ‘सुश्री’ रहेको छ राजधानीमा एक कार्यक्रमको आयोजना गरेर निर्माण घोसणा गरिएको चलचित्रमा आर्यन सिग्देल र नव नायिका आशिका तामांगको मुख्य भूमिका रहने छ । आशिका फिल्मस्को ब्यानरमा बन्न लागेको चलचित्रमा आत्मराम थापाको लगानी रहने छ ।
चलचित्रमा रामेश्वर कार्कीको छायांकन, बसन्त सापकोटाको संगीत, कुमार महर्जनको द्धन्द्ध, शंकर वीसीको नृत्य निर्देशन रहने पत्रकार सम्मेलनमा जानकारी दिइयो । कमेडी कथामा बन्ने चलचित्रमा आर्यन सिग्देल आशिकाको बेहुलाको रुपमा देखिनेछन् ।
