परदेशीएका नेपालीहरुलाई आफ्नो झण्डाको माया (भिडियो)

(सेलिब्रेटि नेपाल) अस्ट्रेलिया
आफ्नो जन्म थलो, आफ्नो देश सबैलाई प्यारो हुन्छ । अझा आफ्नो देश छोडेर परदेशमा बसेकाहरुलाई त आफ्नो देश आफु भन्दा पनि प्यारो लाग्छ । पछिल्लो समय यो कुराको उदाहरण बनाएका छन् अस्ट्रेलियाको सिड्नीमा बसेर सांगीतिक साधना गर्दै आएका नेपाली युवाहरुले । आफुहरु परदेशमा भएपनि आफुलाई आफ्नो देश र त्यस देशको झण्डा प्रति गर्ब गरेको कुरा उनीहरुले एउटा गीत मार्फत ब्यक्त गरेका छन् । “मेरो देशको झण्डा, अरु देशको भन्दा..”बोलको गीत तथा भिडियो तयार परेर यो कुरा प्रमाणित गरेका छन् । गत शुक्रबार सिड्नीको टाउनहलमा रहेको हाम्रो कलेजमा सञ्चारकर्मी र नेपाली समुदायका प्रतिनिधीहरुमाझ गीत सार्बजनिक गरिएको थियो ।

नेपालीहरुले आफ्नो देश र यहाँको झण्डाको महत्व बिर्सिन लागेको बेलामा, त्यसको बिशेषता झल्काइएको गीतमा सिड्नीका लोकप्रिय गायक-गायिका ईश्वर पोखरेल, राजकुमार गोस्वमी, विश्वास श्रेष्ठ, राजेश केसी, नरेन कुलुङ र सुजाता उपाध्याय मानन्धरको स्वरले सजाइएको छ भने गीतमा किरण भण्डारीको शब्द र संगीत रहेको छ । चन्द्र र सुर्य अंकित नेपाली झण्डा सम्बन्धि भिडियो, सन्तोष गुरुङको छायाङ्कन र सम्पादन त्यसै गरि नेपाली टचलेको निर्माणमा तयार पारिएको हो ।