काठमाडौं । राज टाइगरको शब्द, वसन्ती लामाको संगीत र गायक बिबेक दोङको स्वर रहेको नयाँ गीत ‘सम्झनाका पल’ सार्वजनिक गरिएको छ । आफ्नो प्रेमिकाको मृत्यु र सम्झनाका भावलाई समेटिएको यस गीतमा गोविन्द सोनीको मिक्सिङ/माष्टरिङ, विशाल योञ्जनको रेकर्डिङ रहेको छ ।
अमर ओलीको निर्देशन रहेको भिडियोमा सूर्य कुमार र रविना कार्कीको अभिनय देख्न सकिन्छ । ज्ञानकुमार कट्टेलको सम्पादन तथा रंग संयोजन पदम सुवेदी, मेकअप आर्टिष्ट मिरा लामा र पोस्ट-प्रोडक्सन सदिक्षा फिल्मस्ले गरेको हो ।
गीतको भिडियोलाई सदिक्षा फिल्मस् युटुबमार्फत हेर्न सकिन्छ । संगीतप्रेमीहरूले गीतलाई जीवनका भावुक क्षण सम्झाउने सिर्जना भन्दै प्रशंसा गरेका छन् ।
