काठमाडौँ। गायक तथा संगीतकार बाबुल गिरी र गायिका अन्नु चौधरीको स्वरमा रहेको नयाँ गीत भिडियो सहित सार्वजनिक गरिएको छ। सार्वजनिक ‘सर्लक्कै’ बोलको गीतमा शब्द तथा संगीत पनि बाबुल गिरी कै रहेको छ।
सार्वजनिक गीतको भिडियोमा दुई प्रतिभावान मोडल अर्जुन जिसी र समिया कार्की फिचर्ड छन्। रोमान्टिक भावको गीतको भिडियोको कोरियोग्राफी तथा निर्देशन प्रथम क्षेत्रीले गरेका हुन्। भिडियोको छायांकन तथा सम्पादन पवन सुस्लिङ्गले गरेका छन्। भिडियो रेड पान्डा मोसन पिक्चर्स अफिसियल यु ट्युव च्यानल मार्फत सार्वजनिक गरिएको छ।
