काठमाडौं। फिल्म ‘कुस्ती’ को छायांकन काठमाडौं र वरपर सम्पन्न भएको छ। निर्देशक अनिल योञ्जनका अनुसार, ३९ दिनमा सबै दृश्य खिचिसकिएको र गीत मात्रै बाँकी छ।
फिल्म प्रेम र स्वभावका भिन्नताले टाढा हुने तर सँगै बस्न नपाउने जोडीको संघर्षको कथा हो। निर्देशकले भने, “कुस्ती एक भावनात्मक यात्रा हो, जसमा हास्य पनि मिसिएको छ।”
धीरज मगर र मिरुना मगरको मुख्य भूमिका रहेको फिल्ममा ‘स्प्लिट्सभिल्ला’ सिजन ५ की दिकिला शेर्पाले नेपाली सिनेमा डेब्यु गरिरहेकी छन्।
अन्तर्राष्ट्रिय वितरकबाट प्रदर्शन अधिकारको प्रस्ताव आएका छन् र फिल्म विदेशमा पनि प्रदर्शन हुने सम्भावना छ। फिल्मको प्रदर्शन २०८२ को भदौमा हुनेछ।
