काठमाडौँ। ‘नेपाल आदिवासी जनजाति चलचित्र महोत्सव २०२५’ स्कटल्याण्डको एडम्बरामा हुने भएको छ। युकेमा एक कार्यक्रमको आयोजना गर्दै ‘नेपाल आदिवासी जनजाति चलचित्र महोत्सव २०२५’ अगस्ट महिनामा आयोजना हुने जानकारी गराईएको हो । नेपाल स्कटल्याण्ड एसोसियसनका अध्यक्ष अध्यक्ष बिजय डंगोल, हिमालय सेन्टर एडम्बराका अध्यक्ष टीका लिम्बु, रंगकर्मी कलाकार सुबाश थापा, निर्माता सागर सुवेदी तथा नेपाल चलचित्र निर्देशक समाजका महासचिव/ नेपाल चलचित्रकर्मी महासंघ, कोशी प्रदेशका अध्यक्ष तथा महोत्सवका निर्देशक अरुण कुमार प्रधानले संयुक्त रुपमा कार्यक्रमको ब्यानर प्रदर्शन गरि औपचारिक रुपमा महोत्सवको घोषणा गरेका हुन् ।
स्कटल्याण्ड तर्फको आयोजक नेपाल स्कटल्याण्ड एसोसियसन छ भने नेपाल तर्फको आयोजना चलचित्रकर्मी महासंघ, प्रदेश १ र फिल्म कल्चर सोसाइटी अफ नेपालले गर्नेछ । कार्यक्रमको सहयोगी संस्थाको रुपमा नेपाल चलचित्र निर्देशक समाज रहनेछ भने कार्यक्रमको सहजीकरण आदिवासी जनजाति चलचित्र महासंघ, प्रदेश १ ले गर्नेछ ।
चलचित्र सहभागिताको लागि आवेदनको आव्हान , अन्य गतिविधि प्रारम्भ हुनको साथै अवार्डका बिदाहरु सम्बन्धि जानकारी चाडै नै गराउने महोत्सव निर्देशक अरुण प्रधानले बताए ।
