काठमाडौं । नयाँ वर्ष २०८१ सालको अवसर पारेर नयाँ सिनेमा ‘भिजिट भिसा’ निर्माणको घोषणा गरिएको छ । छत्रेश्वरी म्यानेजमेन्टको ब्यानरमा निर्माण हुने सिनेमा पारिवारिक सोसल ड्रामामा बन्नेछ । सिनेमाले पछिल्लो समय लर्को लागेर विदेश जाने प्रवृत्तिलाई पेस गर्ने निर्माण पक्षले जानकारी दिएको दिएको छ ।
मोती बिष्ट प्रस्तुतकर्ता रहेको यो सिनेमाको निर्माता टोपेन्द्र बिष्ट हुन् । बिराज बिष्टको कथा रहने सिनेमामा यम थापाको पटकथा रहेको छ । बिराजले यसअघि सिनेमा ‘बुलाकी’ निर्माण गरेका थिए । सिनेमाले चलचित्र विकास बोर्डले आयोजना गरेको ‘राष्ट्रिय चलचित्र पुरस्कार २०८०’ मा विशेष फिल्मको अवार्ड समेत पाएको थियो ।
सिनेमाका लागि निर्देशक र कलाकारहरू भने तय गरिएको छैन । निर्माण टिमका अनुसार छिट्टै नै कलाकार र निर्माण टिम सार्वजनिक गरिनेछ।
