‘वर एण्ड बधु’ले आफ्नो बाँकी सिनेमाको छायाँकन सुरु गर्ने भएको छ ।
५० प्रतिशत छायांकन रोमानियामा भएपछि रोकिएको फिल्मको बाँकी ५० प्रतिशत छायांकन चैतको तेश्रो साताबाट सुरु हुने भएको छ।
फिल्मका निर्देशक मिलन चाम्सका अनुसार बाँकी छायांकन नेपालमा हुनेछ ।
रोमान्टिक कमेडी कथा रहेको यो सिनेमामा वधुको भूमिकामा नायिका आँचल शर्मा छिन् भने वरको भूमिकामा नव–नायक विवेक कर्माचार्य छन् ।
नायक विवेक कर्माचार्यले फिल्मको दोस्रो सेड्यूलका लागि आफ्नो शरीर समेत बनाएका छन् ।
निर्माणपक्षले सार्वजनिक गरेको विवेकको नयाँ तस्वीरमा उनको शरीर सुगठित देखिन्छ । निर्देशक चाम्सले कथाको माग अनुसार नै विवेकले शरीर बनाएको बताए ।
फिल्ममा सुदिप बरालको छायांकन छ ।
यो फिल्मले विवाहको संस्कृतिलाई पर्दामा देखाउने निर्माणपक्षले बताएको छ । छायांकन सकिएपछि सिनेमाको रिलिज मिति पनि तय गर्ने बताइएको छ ।
डाक्टर अमित रिजाल कार्यकारी निर्माता रहेको यो फिल्मलाई एलआरके इन्टरटेन्मेन्टको ब्यानरमा निर्माण गरिएको हो ।
