बलिउड नायक अक्षय कुमार ठमेलमा

(सेलिब्रेटी नेपाल) २३ बैशाख-फिल्म सुटिंगको सिलसिलामा बलिउड नायक अक्षय कुमार हाल नेपालमा रहेका छन्। शुक्रबार नेपाल आएका अक्षयले केही दिन देखि चलचित्रको छायांकन गरिरहेका छन्। आइतबार र सोमबार हायात होटलमा चलचित्रको छायांकन गरेका अक्षयले मंगलबार भने ठमेलमा छायांकन गरिरहेका छन्।

ठमेलको सडकमा चलचित्र छायांकन हुँदा २ घन्टा ठमेलमा आवतजावतमा रोक लगाइएको थियो। पत्रकारदेखि सर्वसाधरणलाई ठमेल प्रवेशमा कडाई गरिएको थियो। प्रहरीले अक्षयलाई दोहोरो सुरक्षाका साथ हायात होटलबाट ठमेल पुर्‍याए र छायांकनमा सहभागी गराएको थियो। अक्षयले आफुलाई हेर्न आएका फ्यानलाई टाढैबाट नेपाली पारमा नमस्कार गर्दै सबै फ्यानलाई सन्टुष्ट पारे।