(सेलिब्रेटी नेपाल) ५ फागुन-केहि समय अगाडी प्रदर्शन मा आएको चलचित्र छ एकान छ ले दर्शकको मन जित्न सफल भए पछि अब कमेडी चलचित्रको बजार बढ्नेमा चलचित्र बजारमा आशा जागेको छ। कमेडी धारमा निर्मित चलचित्र झोले आउने सुक्रबार अर्थात् फागुन ९ बाट प्रदर्शनमा आउने छ। चलचित्र झोले यति बेला आफ्नो प्रचार प्रसार को कारण चर्चामा रहेको छ। साथै आफ्नो हरेक सिनेमामा फरक गर्न रुचाउने निर्देशक दिपेन्द्र के खनालको निर्देशनमा तयार भएको यो डार्क कमेडी चलचित्र मा दयाहाङ राई , प्रियंका कार्की र ए गुरुङ को मुख्य भूमिका रहेको छ। दयाहाङ लाई लभ सङग् मा नचाउन सफल निर्देशक खनाल ले दर्शक का लागि झोले मा सप्राइज प्याकेज नै रहेको बताउछन। यता यसै सिनेमा बाट नेपाली सिने जगत मा प्रवेश गरेका निर्माता टेकेन खडका यो सिनेमा हेर्दा कति बेला हास्ने भन्ने दर्शक लाई पत्तै नहुने बताउछन।
हिजो ४ गते पोखरामा ‘झोले’ को प्रिमियर गरिएको छ । पोखराको श्रीकृष्ण हलमा साँझ ‘झोले’ को प्रिमियर गरिएको हो । ‘जिरो सिक्स वान ईन्टरटेनमेन्ट’ ले व्यवस्थापन गरेको प्रिमियरमा सहभागी हुन कलाकार दयाहाङ राई, प्रियंका कार्की शनिबारै पोखरा पुगेका थिए।
