(सेलिब्रेटी नेपाल) २४ साउन -भाद्र ७ गते देखि रोहि श्रेष्ठले निर्माण गरेको चलचित्र ‘करामत’ले देश भर बाट आफ्नो करामत देखाउने पक्का भएको छ। दिनेश पौडेल निर्देशित चलचित्रमा दुइ नायक रोहि श्रेष्ठ,सुमन सिंह र दुइ नायिका सम्झना प्याकुरेल तथा सोनिया शर्माको ‘करामत’पर्दामा हेर्न पाइनेछ। चलचित्र लकको आईटम गीत आँखा झिमिक्क माल सामान गायब बाट चर्चा पाउन सफल नायिका सम्झना प्याकुरेल र ए टि एम बाट चर्चामा आएकी सोनिया शर्मा दुई नायिका भएका कारण चलचित्रमा ग्ल्यामर छ कि भनि निर्माता रोहि श्रेष्ठ संग सोद्धा उनले चलचित्र सोसियल ड्रामा र एक्सन मिश्रीत चलचित्र हो यसमा त्यस्तो कुनै भद्दा दृश्य नभएको र स परिवार संगै बसेर हेर्न मिल्ने चलचित्र भएको बताए।
नेपाली चलचित्र बजारमा कुनै सिस्टम नभएको र निर्माता आफु आफु नै जुधेर चलचित्र बजार घटेको रोहि श्रेष्ठको बुझाई रहेको छ। एकै दिन ३- ४ वटा चलचित्र प्रदर्शन हुँदा सबै निर्माता लाई घाटा हुन्छ रोहि बताउछन्। नायक तथा निर्माता रोहि श्रेष्ठ को चलचित्र ‘करामत’ले कस्तो करामत गर्छ रिलिज पछि नै थाहा हुने छ।
