काठमाडौं । यसवर्षको सफल चलचित्र ‘दुई नम्बरी’का निर्माता किरण नेपालीको नयाँ चलचित्र ‘हात्तीछाप’को मुख्य भूमिकामा दयाहाङ राई र सौगात मल्ल रहने भएका छन् ।
केही दिनअघि दयाहाङलाई अनुबन्ध गरेको निर्माण टिमले आइतबार सौगातसँग लिखित सम्झौता गरेको छ ।
दयाहाङ र सौगात निर्माता नेपालीको पछिल्लो चलचित्र ‘दुई नम्बरी’मा मुख्य भूमिकामा थिए ।
निर्माता नेपालीका अनुसार ‘हात्तीछाप’मा दयाहाङ र सौगातको समानान्तर भूमिका रहनेछ । बाँकी कलाकारहरु पनि चाँडै फाइनल गरिने उनले जानकारी दिएका छन् ।
सिमोस सुनुवारले निर्देशन गर्ने चलचित्रलाई प्रदीप भारद्वाजले लेखेका हुन् ।
चैतदेखि चलचित्रको छायांकन सुरु गर्ने तयारी छ ।
