हिमाल र अनुको स्वरमा ‘ए होर माया’, भिडियोमा फिट विमल र सनिशा



काठमाडौं । ‘ए होर माया’बोलको नयाँ प्रेमगीत सार्वजनिक गरिएको छ । भावना म्युजिक सोलुशनले ल्याएको यस गीतमा चर्चित गायक–गायिका हिमाल सागर र अनु चौधरीले स्वर दिएका छन् ।
चर्चित मोडल विमल अधिकारी र नव–मोडल सनिशा भट्टराईको अभिनय रहेको भिडियो बिहीबार ‘भावना म्युजिक सोलुशन’ युट्युब च्यानलमार्फत सार्वजनिक गरिएको हो । मोडल अधिकारीकै शब्द एवं संगीत रहेको यस गीतलाई कमल सौरागले एरेन्ज गरेका हुन् ।

पछिल्लो समयका चर्चित भिडियो निर्देशक मौसम हिमालीको कोरियोग्राफी एवं निर्देशनमा ‘ए होर माया’को भिडियो तयार भएको हो । लुम्बिनी, चितवनका आकर्षक लोकेशनमा भिडियो खिचिएको छ । राजेश घिमिरेको छायाँकन रहेको भिडियोलाई विकास ज्ञवालीले सम्पादन गरेका हुन् । गीतको अडियो कर्णप्रिय छ भने भिडियो निकै आकर्षक लाग्छ । यो गीतमा यसअघि नै धेरै टिकटक बनिसकेका छन् । गीतले युट्युबमा राम्रो प्रतिक्रिया पाईरहेको छ ।