सौगात र नम्रताको जात्रा

(सेलिब्रेटी नेपाल) २६ असार-साला भिनाजु मिलेर बनाउन लागेको चलचित्रको नाम ‘जात्रा’ जुरेको छ। सानो संसार र कोही मेरो चलचित्र निर्देशन गरि सकेका आलोक नेम्वाङले आफ्नै भिनाजु पाइलट,अभिनेता तथा संचारकर्मी विजय लामाले निर्माण गर्न लागेको चलचित्रको निर्देशन गर्ने जिम्मेवारी सम्हाल्ने भएका हुन्। अहिले सम्म जोडीको रुपमा नदेखिएका नायक सौगात मल्ल र नायिका नम्रता श्रेष्ठले पहिलो पटक ‘जात्रा’मा अनस्क्रिन रोमान्स गर्ने भएका छन् । सौगात र नम्रताले अलग फ्रेममा पछिल्लो समयमा छड्केमा देखिएका थिए । उनीहरुको यो जात्रा भने सेप्टेम्बरदेखि मात्र फ्लोरमा जानेछ। लुट बाट सफल नायक बनेका सौगात र मेरो एउटा साथी छ बाट सफल नायिका बनेकी नम्रता ले थुप्रै चलचित्रमा काम गरि सके पनि पहिलो चलचित्रको जस्तो सफलता हात पार्न सकेका छैनन्। अब यो जोडीको ‘जात्रा’ कस्तो हुनेछ पछि नै थाहा हुनेछ।