१४ मिनेटको आर्ट फिल्म ‘ब्ल्याक रोज’ युट्युबमा [भिडियो]


काठमाडौं । आर्ट फिल्म ‘ब्ल्याक रोज’ युट्युबमा रिलिज गरिएको छ । यो आइफोनमा खिचिएको र आइफोनमै सम्पादन गरिएको सर्ट फिल्म हो ।

मौसम सापकोटाको कथा तथा पटकथा रहेको १४ मिनेटको फिल्मलाई विशाल अधिकारीले निर्देशन गरेका हुन् । फिल्ममा मौसम सापकोटा र रेमन सुवेदीको अभिनय छ । फिल्ममा कलाकारहरुको मोनो एक्ट रहेको छ । दुई मुटु, दुई प्रेमीको प्रेम कथामा आधारित रहेर यस आर्ट फिल्म बनाईएको हो, जसमा कलाकारहरुलाई रघु (राघव) र गंगा पात्रका रुपमा प्रस्तुत गरिएको छ ।

फिल्ममा फरक खालको प्रेमकथा प्रस्तुत गरिएको छ । त्यो कस्तो प्रेमकथा हो ? त्यसका लागि भने ‘द एट एट फोर एट’नामको युट्युब च्यानलमा फिल्म उपलब्ध छ ।

विशाल अधिकारी, मौसम सापकोटा, रेमन सुवेदी, सुजन शर्माले खिचेको फिल्मलाई मौसम सापकोटाले सम्पादन गरेका हुन् । फिल्ममा संगीत रहेको छ, आयन शर्माको ।