काठमाडौं । नेपाली चलचित्र ‘द सेक्रेट अफ राधा’को भदौं १० गतेबाट प्रदर्शनमा आउने भएको छ । निर्माण टिमले मंगलबार चलचित्रको फस्टलुक र प्रदर्शन मिति सार्वजनिक गरेको हो ।
चलचित्रको फस्टलुक पोष्टरमा अभिनेत्री श्रृष्टी श्रेष्ठ एक बच्चालाई बोकिरहेकी छिन् । चलचित्र नारीप्रधान रहेको फस्टलुकबाट बुझ्न सकिन्छ ।
सुवर्ण थापाको लेखक एवं निर्देशनमा तयार चलचित्रमा श्रृष्टीसँगै खगेन्द्र लामिछाने, सौगात मल्ल, मेनुका प्रधान, दीव्यदेव पन्त, लोकेन्द्र लेखक, बुद्धी तामाङ, पशुपति राई, निश्चल बस्नेत, दयाहाङ राई लगायतको अभिनय छ ।
‘सुनगाभा’, ‘फन्को’ जस्ता फरक खालका चलचित्र निर्देशन गरेका सुवर्ण निर्देशित यो चलचित्रले पनि दर्शकको मन जित्ने विश्वास गरिएको छ । ‘राधा’ मार्फत अभिनेता सौगात मल्लले पनि चलचित्र निर्माणमा हात हालेका छन् ।
चलचित्रमा उनको पनि लगानी रहेको छ ।
