काठमाडौं। संगीतकार राजन तिमिल्सिनाको संगीत निर्देशनमा युगल गीत भिडियो सार्वजनिक गरिएको छ । सार्वजनिक ‘नजर…’ बोलको गीतमा लोकप्रिय गायक सुगम पोखरेल तथा गायिका अस्मिता अधिकारीको स्वर सुन्न सकिन्छ । गीतका शब्दहरु डा.प्रकाश पौडेलले रचना गरेका हुन् ।
राजन ईशानको अवधारणामा तयार भएको भिडियोमा महेश खड्का र सरिता ठगुन्नाले अभिनय गरेका छन् । सन्तोष भुजेल भिडियोका कोरियोग्राफर हुन् ।शिवराम श्रेष्ठद्वारा छायांकन गरिएको यो भिडियोलाई बिजेश पौडेलले सम्पादन तथा रंग संयोजन गरेका छन् । बिजेश–राजनको जोडीले यो भिडियो निर्देशन गरेको हो ।
