काठमाडौं। शोभित बस्नेतको निर्देशन रहने चलचित्र ‘हाम्रो स्वर्ग’को छायांकन सुरु भएको छ । शुक्रवार जुम्ला जिल्लाको पटमारा गाउँबाट निर्देशक बस्नेतले चलचित्रको छायांकन थालेका हुन् । चलचित्रमा मेनुका माझी, नबदत्त न्यौपाने, सुइन्जा सुनाम, शान्ता दाहाल, लाल बहादुर रोकाया, ललित जङ्ग महतलगायतको अभिनय रहनेछ ।
ज्ञान कुमार कट्टेल छायाँकार रहेको चलचित्रलाई गौतमराज खड्काले सम्पादन गर्नेछन् । निर्देशक बस्नेतले चलचित्रमा यार्सागुम्बा टिप्ने मान्छेहरुको कथालाई उठान गरिने जानकारी दिए । चलचित्रले एउटा पृथक र वास्तविक कथा भन्ने उनको भनाई छ ।
कर्णाली क्षेत्रको भाषा तथा भेषभुषा र रहनसहनलाई समेत प्रस्तुत गरिने चलचित्रको कर्णाली प्रदेशको १० वटै जिल्लामा छायांकन हुनेछ । एनएसके मिडिया नेपालको व्यानरमा निर्माण हुने चलचित्रमा शान्ता शर्माको लगानी रहनेछ । चलचित्रमा नवदत्त न्यौपानको संगीत र रामकृष्ण बुड्थापाको कथा छ । निर्देशनमा शोभितलाई रामजी राउतले सघाउनेछन् ।
