काठमाडौं । अभिनेत्री पूजा शर्मा र अभिनेता आकाश श्रेष्ठ अभिनित चलचित्र ‘सम्झना बिर्सना’को गीत सार्वजनिक गरिएको छ । आइतबार राजधानीमा एक कार्यक्रम गर्दै आगामी जेठ ६ गतेदेखि प्रदर्शनमा आउने चलचित्रमा समावेश ‘परेलीमा’ बोलको प्रेमगीत सार्वजनिक गरिएको हो ।
अञ्जु पन्त र निमेश प्रधानले स्वर दिएको गीतको भिडियोमा चलचित्रका मुख्य कलाकार पूजा शर्मा र आकाश श्रेष्ठ फिचर्ड छन् । भिडियोमा उनीहरुलाई रोमान्टिक भावमा प्रस्तुत गरिएको छ । निमेशकै शब्द, संगीत एवं एरेन्ज समेत रहेको गीतको भिडियोलाई कमल राईले कोरियोग्राफी गरेका हुन् ।
निमेश प्रधानको कथा, पटकथा एवं निर्देशन रहेको चलचित्रमा पूजा र आकाशका अलावा छुल्ठिम गुरुङ, सुनिल थापा, शिशिर राना लगायतका कलाकारहरुको अभिनय छ । आदित्य प्रधान र रेबिका प्रधान यस चलचित्रका निर्माता हुन् ।
