सुजाताको स्वरमा ‘म त पर्खेको पर्खेइ छु’ (भिडियो)

काठमाडौँ। मेल भर्सनमा दर्शक श्रोताले रुचाएको गीत ‘म त पर्खेको पर्खेइ छु’ को फिमेल भर्सन सार्वजनिक गरिएको छ । सुजाता केसीको स्वरमा रहेको गीतको भिडियो सहित सार्वजनिक गरिएको हो । गायक तथा गीतकार देवेन्द्र बब्लुको शब्द सङ्गीत रहेको गीतमा कृष्ण बिकको सङ्गीत संयोजन रहेको छ ।

विशाल घिमिरेको निर्देशनमा बनेको भिडियोमा देवेन्द्र बब्लु र अनिता राम्जालीको अभिनय छ । भिडियोलाई अनिल के मानन्धरले खिचेका हुन् भने विकास ज्ञवालीको सम्पादन छ । भिडियोलाई सुशील शर्माले निमार्ण गरेका हुन् । यसअघि देवेन्द्र बब्लुको स्वरमा रहेको मेल भर्सन दर्शक श्रोताले रुचाएका थिए । भिडियो सुजाता केसीको आफ्नै यु ट्युब च्यानल मार्फत सार्वजनिक गरिएको छ।